Polisi Preifatrwydd

Cyngor Caerdydd sy’n arwain yr uwchgynllun adfywio ar gyfer Glanfa’r Iwerydd Butetown, Caerdydd. Mae Cyngor Caerdydd hefyd yn gweithio mewn partneriaeth â chonsortiwm Live Nation Entertainment, Oak View Group a Robertson Group i ddatblygu cynlluniau ar gyfer arena adloniant dan do yng Nglanfa’r Iwerydd.

At ddibenion deddfwriaeth diogelu data berthnasol, y cwmni sy’n gyfrifol am eich data personol yw Robertson Group (‘Robertson’, ‘ni’ neu ‘ein’). Bydd Robertson yn gwneud pob ymdrech resymol i ddiogelu eich preifatrwydd pan fyddwch yn defnyddio’r wefan hon ac yn parchu eich preifatrwydd mewn perthynas ag unrhyw wybodaeth y gallwn ei chasglu wrth ei gweithredu.

Mae Robertson Group yn gwmni cyfyngedig sydd wedi’i gofrestru yn yr Alban dan rif cwmni SCO60077. Ein cyfeiriad cofrestredig yw 10 Perimeter Road, Pinefield, Elgin.

Mae’r polisi hwn yn esbonio’r hyn a wnawn gyda’ch ‘data personol’ neu wybodaeth bersonol, wrth ddefnyddio’r wefan hon: atlanticwharfcardiff.co.uk a glanfariweryddcaerdydd.co.uk. Mae data personol, neu wybodaeth bersonol, yn golygu unrhyw wybodaeth am unigolyn y gellir ei ddefnyddio i adnabod y person hwnnw.

Newidiadau i’r Polisi Preifatrwydd

Er bod y rhan fwyaf o newidiadau’n debygol o fod yn fân newidiadau’n unig, gall Robertson newid y Polisi Preifatrwydd hwn o bryd i’w gilydd, felly rydym yn annog ymwelwyr i wirio’r dudalen hon yn aml am unrhyw newidiadau. Bydd eich defnydd parhaus o’r wefan hon ar ôl unrhyw newid yn y Polisi Preifatrwydd hwn yn golygu eich bod yn derbyn newid o’r fath.

Cyfieithu

Ysgrifennwyd ein Polisi Preifatrwydd yn Saesneg yn wreiddiol cyn ei gyfieithu i’r Gymraeg atlanticwharfcardiff.co.uk/privacy-policy/. Os bydd gwrthdaro rhwng y cyfieithiad o’n Polisi Preifatrwydd a’r fersiwn Saesneg, y fersiwn Saesneg fydd yn rheoli.

Gwybodaeth rydyn ni’n ei chasglu

Rydym ond yn casglu gwybodaeth amdanoch os oes gennym reswm dros wneud hynny – er enghraifft, os ydych:

• Wedi cofrestru i dderbyn ein cylchlythyr.
• Wedi cysylltu â ni’n uniongyrchol drwy e-bost neu dros y ffôn.
• Wedi ymateb i holiadur neu arolwg.
• Wedi cymryd rhan yn ein hymgynghoriad cyhoeddus, naill ai drwy fynd i ddigwyddiad ar-lein neu wyneb yn wyneb.
• Wedi cysylltu â ni mewn perthynas â chyfle mewn perthynas â swyddi.
• Wedi cysylltu â ni ynglŷn â chyfle mewn perthynas â’r gadwyn gyflenwi.

Wrth gynnal ein busnes, rydym yn casglu ac yn defnyddio data personol penodol, gan gynnwys:

• Eich enw.
• Eich cyfeiriad a chod post.
• Eich cyfeiriad e-bost neu fanylion cyswllt eraill (gan gynnwys dolen cyfryngau cymdeithasol).
• Unrhyw wybodaeth a roddwch yng nghyd-destun cyfle mewn perthynas â’r gadwyn gyflenwi neu gyflogaeth.

Sut rydyn ni’n defnyddio eich data personol

Y prif reswm dros ddefnyddio eich data personol yw er mwyn bodloni eich cais i danysgrifio i’n cyfathrebiadau e-bost. Bydd y cyfathrebiadau hyn yn rhoi gwybodaeth i chi am Lanfa’r Iwerydd Butetown, uwchgynllun Caerdydd a’r arena dan do.

Rydym yn casglu data personol yn ystod y broses ymgynghori mewn perthynas â’n cynigion datblygu ar gyfer Glanfa’r Iwerydd Butetown, uwchgynllun Caerdydd a’r arena dan do er mwyn asesu a chrynhoi adborth gan unigolion a grwpiau yn y dogfennau cais cynllunio. Os ydych wedi nodi yr hoffech gael y wybodaeth ddiweddaraf am statws y cais cynllunio, byddwn yn defnyddio eich data personol i gyfathrebu â chi a rhoi gwybodaeth i chi am ddigwyddiadau ymgynghori pellach a cherrig milltir y prosiect.

Wrth roi gwybodaeth ar gyfer cais am swydd, byddwn yn defnyddio eich data personol at ddibenion recriwtio, gan gynnwys asesu eich cymwysterau ar gyfer swydd neu dasg benodol.

Data rydyn ni’n ei gasglu amdanoch chi wrth ddefnyddio ein gwefan

Rydym yn defnyddio Google Analytics i gasglu gwybodaeth am sut mae pobl yn defnyddio’r wefan hon. Rydym yn gwneud hyn i sicrhau bod y wefan yn diwallu anghenion defnyddwyr ac i ddeall sut y gallem ei gwella. Mae Google Analytics yn storio gwybodaeth am ba dudalennau rydych chi’n ymweld â nhw, pa mor hir rydych chi ar y wefan, sut y gwnaethoch chi gyrraedd yma a’r hyn rydych chi’n ei glicio. Nid yw hyn yn cynnwys gwybodaeth bersonol (e.e. eich enw na’ch cyfeiriad) felly ni ellir ei defnyddio i’ch adnabod yn bersonol. Nid ydym yn caniatáu i Google ddefnyddio na rhannu ein data dadansoddeg.

Mae’n bosibl y byddwn hefyd yn casglu data am eich defnydd o’r wefan hon a ph’un a ydych yn agor eich cyfathrebiadau e-bost drwy ddefnyddio logiau gweinydd rhyngrwyd, cwcis a/neu bicseli olrhain.

• Log gweinydd gwe yw ffeil sy’n storio gweithgaredd gwefan.

• Ffeil destun fach yw cwci sy’n cael ei rhoi ar eich cyfrifiadur wrth ymweld â gwefan, sy’n ein galluogi i adnabod eich cyfrifiadur, storio eich dewisiadau a’ch gosodiadau, deall pa rai o’n tudalennau gwe rydych wedi ymweld â nhw, gwella eich profiad defnyddiwr, cynnal chwiliadau a dadansoddeg, a chynorthwyo gyda swyddogaethau gweinyddol diogelwch. Mae rhai cwcis yn cael eu rhoi yn storfa eich porwr tra bod y rhai sy’n gysylltiedig â thechnolegau Flash yn cael eu storio gyda’ch ffeiliau Adobe Flash Player. Darllenwch y polisi cwcis llawn.

•Tagiau electronig bach iawn yw picseli olrhain (y cyfeirir atynt weithiau fel begynau gwe neu GIFs clir) sydd â chod adnabod unigryw wedi’i wreiddio mewn gwefannau, hysbysebion ar-lein a/neu e-bost, sydd wedi’u cynllunio i ddarparu gwybodaeth am ddefnydd fel argraffiadau hysbysebion neu gliciau, mesur poblogrwydd y Gwasanaethau a hysbysebion cysylltiedig, ac i gyrchu cwcis defnyddwyr.

Mae’n bosibl y byddwn hefyd yn defnyddio’r technolegau awtomataidd hyn i gasglu a dadansoddi gwybodaeth arall sy’n gysylltiedig â’r dyfeisiau a ddefnyddiwch i gyrchu’r Gwasanaethau, megis cyfeiriadau IP, mathau o borwr, iaith porwr, y system weithredu a ddefnyddir, enw parth eich darparwr gwasanaethau Rhyngrwyd, cod adnabod unigryw dyfeisiau, a gwybodaeth arall am eich cyfrifiadur(on) a/neu ddyfais/dyfeisiau symudol. Gall y technolegau awtomataidd hyn hefyd gasglu gwybodaeth am y gwefannau rydych wedi ymweld â nhw cyn ac ar ôl i chi ymweld â’n gwefan, a’r hysbysebion rydych wedi’u cyrchu, eu gweld, eu hanfon ymlaen, a/neu glicio arnynt. Wrth i ni fabwysiadu technolegau ychwanegol, efallai y byddwn hefyd yn casglu gwybodaeth ychwanegol drwy ddulliau eraill.

Gallwch newid eich gosodiadau i’ch hysbysu pan fydd cwci’n cael ei osod neu ei ddiweddaru, neu i rwystro cwcis yn gyfan gwbl. Cymerwch olwg ar yr adran ‘Help’ yn eich porwr i gael rhagor o wybodaeth. Gallwch hefyd reoli’r defnydd o dechnolegau Flash, gan gynnwys cwcis, gyda’r offer rheoli Flash sydd ar gael ar wefan Adobe. Sylwch, drwy rwystro unrhyw gwcis neu bob cwci, efallai na fydd modd i chi ddefnyddio rhai nodweddion ar ein gwefan.

Gyda phwy rydym yn rhannu eich data personol?

Efallai y byddwn yn rhannu eich data personol gyda:

• Aelodau ac isadrannau eraill Robertson Group.
• Cyngor Caerdydd sy’n arwain cynigion datblygu ar gyfer Glanfa’r Iwerydd Butetown, uwchgynllun Caerdydd a’r arena dan do.
• Consortium Live Nation Entertainment a Oak View Group a fydd, ynghyd â Robertson, yn datblygu ac yn adeiladu’r arena.
• Caerdydd ddwyieithog yng Nghyngor Caerdydd ar gyfer cyfieithu cyfathrebiadau o’r Saesneg i’r Gymraeg, a’r Gymraeg i’r Saesneg lle bo hynny’n briodol.
• Efallai y bydd angen i ni rannu data personol cyfyngedig gyda darparwyr gwasanaethau sy’n cymryd rhan i’n helpu i baratoi ac anfon gohebiaeth atoch. Fodd bynnag, nid ydym yn awdurdodi’r sefydliadau hyn i ddefnyddio eich data personol at eu dibenion eu hunain ac rydym yn cymryd gofal i sicrhau eu bod yn cadw eich data personol yn ddiogel ac yn ei ddileu pan nad oes ei angen mwyach.
• Lle rydych wedi rhoi caniatâd i ni wneud hynny, efallai y byddwn hefyd yn rhannu eich data personol gyda phartneriaid fel sefydliadau cyflogaeth, hyfforddiant ac addysg.

Sut rydyn ni’n diogelu eich data personol

Rydym yn defnyddio mesurau technegol a sefydliadol priodol i ddiogelu’r data personol a gasglwn ac a broseswn. Mae’r mesurau a ddefnyddiwn wedi’u cynllunio i ddarparu lefel o ddiogelwch sy’n briodol i’r risg o brosesu eich data personol.

Os ydych yn amau bod eich data personol yn cael ei gamddefnyddio, wedi’i golli neu fod rhywun yn ei ddefnyddio heb awdurdod, rhowch wybod i ni ar unwaith gan ddefnyddio’r manylion cyswllt a nodir yn adran 10 isod. Byddwn yn ymchwilio i’r mater ac yn rhoi’r wybodaeth ddiweddaraf i chi am y camau nesaf cyn gynted â phosibl.

Pa mor hir rydym yn cadw eich data personol

Ni fyddwn yn cadw eich data personol yn hwy na’r hyn sy’n angenrheidiol yn rhesymol er mwyn cyflawni’r dibenion rydym wedi’i gasglu ar eu cyfer, gan gynnwys unrhyw ofynion cyfreithiol. Efallai y byddwn yn cadw eich data personol am gyfnod hwy os bydd cwyn neu os credwn yn rhesymol fod posibilrwydd o ymgyfreitha o ran ein perthynas â chi.

I bennu’r cyfnod cadw priodol ar gyfer data personol, rydym yn ystyried swm, natur a sensitifrwydd y data personol, y risg posibl o niwed trwy ddefnydd neu ddatgeliad anawdurdodedig o’ch data personol, ein dibenion dros brosesu eich data personol ac a oes modd cyflawni’r dibenion hynny trwy ddulliau eraill, yn ogystal â’r gofynion cyfreithiol, rheoleiddiol neu ofynion eraill sy’n berthnasol.

Dolenni i wefannau eraill

Gall ein gwefan gynnwys dolenni i wefannau ein rhwydweithiau a’n cysylltiadau partner. Os byddwch yn dilyn dolen i unrhyw un o’r gwefannau hyn, nodwch fod gan y gwefannau hyn eu hysbysiadau neu bolisïau preifatrwydd eu hunain ac nad ydym yn derbyn unrhyw gyfrifoldeb nac atebolrwydd am yr hysbysiadau hyn. Gwiriwch yr hysbysiadau hyn cyn i chi gyflwyno unrhyw ddata personol i’r gwefannau hyn.

Trosglwyddo’n Rhyngwladol

Mae eich gwybodaeth wedi’i diogelu dan gyfreithiau diogelu data Ewropeaidd ac ni chaiff ei throsglwyddo i sefydliadau y tu hwnt i’r ardal hon heb eich caniatâd neu os caiff ei chaniatáu gan y gyfraith.

Eich hawliau

Mae eich hawliau’n cynnwys mynediad at eich gwybodaeth bersonol, cywiro eich gwybodaeth neu ei dileu. Os oes sail gyfreithiol ar gyfer prosesu eich data personol yna byddwn yn rhoi gwybod i chi.

Os nad ydych yn hapus â’r ffordd rydym wedi delio â’ch gwybodaeth neu eich hawliau, yna gallwch ofyn i Swyddfa’r Comisiynydd Gwybodaeth ymchwilio i hyn. Gallwch gysylltu â’r Swyddfa ar ico.org.uk neu drwy ffonio 0303 123 1113.

Cysylltu â ni

Robertson Group sy’n gyfrifol am brosesu eich data personol. Os oes gennych unrhyw sylwadau neu awgrymiadau ynghylch yr Hysbysiad Preifatrwydd hwn neu gwynion am ein defnydd o’ch data personol, cysylltwch â ni yn Robertson Property Ltd, Robertson House, Castle Business Park, Stirling FK9 4TZ.